قصــــــــة بعنوان / حمــــاتي..........عقلــــية متطـــــورة
من زرقاء اليمامة المصرية في 17 أبريل، 2012 في 11:56 صباحاً ·
حماتي..........عقلية متطورة
*********************
****************
أحب أقول لكل المتزوجين:.......يا بخت اللي له حماة...زي حماتي.
طبعا تستغربون من كلامي؟.....أبدا..أنتم لو تعرفوا حماتي...كنت تتمنوها حماة لكم...أي والله حماتي مفيش منها اتنين...في كل شي تتميز فيه عن بقية الحموات....هتقولوا إزاي..؟!!!
هأقول لكم تعالوا معي واسمعوا قصتها معايا...وأنتم الحكم في النهاية.....
(( هذه كانت بداية قصة جديدة يكتبها هاني في الجريدة اليومية))
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
أنا هاني...كاتب صحفي مش مشهور قوي ...أنا بكتب في الصفحة الرياضية بعض الأحداث...وبدأت العين تقع عليا....بجد الفضل يرجع لواحدة حبتها من الفيس بوك....وهتعرفوا هي مين...وهل ليا حق أحبها ولا ..لأ؟
***دي حكايتي من خمس سنين
أنا يادوب مخطي الثلاثين من العمر...وأعزب كمان وكنت بجد شقي وروش كده يعني..مسبسب شعري وأحبط الوكمان في وداني...وعايش الدنيا براحتي...وبابا بيصرف عليا
يعني مش شايل هم....وعمري لا فكرت في جواز,,,ولا غيره...هو أنا غاوي هم؟!!
المهم..طبعا زي أي حد...بقعد على الفيس بوك....وده أقل شي يعمله الشاب اللي زي حالاتي .
وفي يوم قرأت شعرا ...بس رومانسي بجد..وعجبني في جروب بسيط...بس كل اللي فيه بيكتبوا شعر وقصص و عبر..أكترها من راسهم...يعني تأليفهم هم...بس الشعر ده بالذات عجبني كأن اللي كتبته .....كتبته علشاني أنا.
وصممت أعرف مين دي الشاعرة اللي عرفت تدخل قلبي وعقلي كمان...و طلبت اضافتي عندها ..وهي رفضت.., طبعا أنا زعلت أول الأمر...وبعدين بعت لها رسالة...قلت لها فيها..أنا هاني من الأسكندرية خريج كينج مريوط...ممكن نتعرف؟
وهي برده..مش بترد عليا....بعت رسالة تانية..وقلت فيها(( هو حضرتك مش بتردي على رسايلي ليه؟))
وبرده مش بترد..أستفزتني بجد.....قمت باعت رسالة كمان....(( للدرجة دي خايفة تتعرفي على شباب.؟..خلي عندك ثقة في نفسك))
وبرده هي مش بترد....وأخيرا قلت لأ...لأ بقه دي مش شاعرة ولا حاجة..معقول اللي تكتب الكلام ده...تكون ناشفة كده؟.....وكمان صفحتها مفهاش معلومات خالص...يعني إيه.؟...هي حرقت دمي و خلاص!!!....وأنا هأسيبها كده؟!!!...والله ما تحصل أبدا.
وبصراحة قلت لشوية من اصحابي...شوفوا البنت دي..عاكسوها..علشان عايز أعرف هي بتتعمد معايا الأسلوب ده؟..ولا مع الكل؟
وأشتغلنا عليها...ولكن الحق يعني...هي مش بتردعلينا...لحد ما جه الواد محمود صاحبي وقالي...يا بني دي مش بنت صغيرة علشان تلعبوا بيها...دي ست كبيرة ومتجوزة..وعندها عيال كمان.
بصراحة..أنا اندهشت..وزعلت كمان...طبعا الست دي عششت شوية في راسي.....وبقيت أقرأ كل حاجة بتنشرها...واستمتع بيها بجد...وكل يوم أحاور نفسي وكأني أكلمها..وأردد بعض اشعارها.....لدرجة الحفظ....................................معقولة دي؟!!!كبيرة ومتجوزة كمان؟!!...وأم عيال؟!!!
طيب هي كبيرة قد إيه مثلا..معرفناش...محمود قال الخبر ده وبس
وسألناه :
عرفت منين يا فالح؟!!.......................ورد أنها صاحبة خالته أمال...وتقريبا قدها في السن.
مخبيش عليكم..رحت البيت....وأنا زعلان والصداع مسكني......والصورة اللي رسمتها للشاعرة دي...زيوتها ساحت على بعضها....لدرجة أني عيطت.
وبالليل صممت أدخل الفيس...وأبعت لها رسالة ..بس المرة دي من أكونت جديد أعمله مخصوص لها..وأحط معلومات تناسبها في السن والوضع الأجتماعي والأفكار كمان...وعلى فكرة ..الأفكار بتاعتها كبيرة..ولكن الشعر والكتابة ..تحكم عليها أن سنها صغير..كأنها في العشرينات..أو بداية الثلاتين...كلها شباب..وده اللي مخليني مش مصدق نفسي أنها ست كبيرة ومتجوزة..وأم كمان.
وبعدين ...كتبت اسم الأكونت...الطائر الجريح..وعمري خمسه وأربعين سنه...وأرمل..و الشئ الوحيد الصح اللي كتبته في معلوماتي..أني صحفي..وكمان بداية تاريخ ميلادي ..وهو..15 مايو.
وبعت لها رسالة للتعارف..رفضتها...قلت وبعدين مع الست دي؟....فكرت في فكرة هي أني أكون صديق للست أمال خالة محمود صاحبي الأول...وقبلت أمال أضافتي.
وده كان مفتاح لدخولي على صداقة الست الشاعرة.
وبعدها بيومين أرسلت طلب صداقة لها....وكانت المفاجأة........قبلته.
طرت من الفرح...لدرجة أني رميت الكمبيوتر ببوسة كمان...هههههههههههههههههه.
ودخلت عليها أكلمها...وأنا معرفش الست دي ...بجد عرفت أن المعلومات اللي سمعتها مش كافية أن أقول أنني أعرفها...طلعت بحر...والله بحر في كل شئ...
...وأهم شئ في مشاعرها.
وتعارفنا بس بالتدريج..هي مش بتسمح لأي حد يدخل غرفة خصوصياتها..إلا البنات فقط.
وفي خلال شهر من تواصلنا اليومي تعودت عليها لدرجة أني نسيت أنا ست متجوزة..وأكبر مني كمان!!!!بجد..سنها اللي عرفته منها أنها قد أمي بالضبط.
حبتها بجد..هي خليط أنثى...بجد..أحس أنها في سني..فأحبها...وبعدين أتذكر سنها..أتراجع ...حيرتني بجد.
وهي من النوع اللي مش بيبخل بعواطفه ولا نصائحه على حد....وطلعت شاعرة بجد...جااااااااااااااااااااااامدة.
المهم...أبويا عرض عليا يجوزني بنت عمي ..وزيتنا في دقيقنا..زي ما بيقولوا...بس أنا رفضت ...قلبي اتعلق تعليق معرفش له بداية من نهاية....قلت أشور الست الشاعرة....أسمها سهام ..ده اللي قالته ليا في البداية....قلت أعرض عليها مشكلتي..بس بطريقة أني أب وعايز أجوز ابني لبنت عمه..وأشرح لها شوية عن شعوري ناحيتها ‘لى أن صاحب الموضوع ابني.
هي تناقشت معي كأب طبعا..وخلتني من غير ما تحس..أصمم على رفض الجوازة دي.....خاااااااااااااالص.
وقلت لها..أن ابني هاني(( اللي هو أنا)) ..عايزك تقبلي صداقته...وحاولي تكوني له أم وصديقة..علشان خاطري....أنا مسافر خارج مصر وهاكون مشغول عنه كتير.
هي رحبت....ومن يومها أكلمها بطبيعتي من الأكونت الجديد بأضافة جديدة طبعا.....وقلت لها أنا تحت التمرين في الصحافة وشرحت لها بعض أموري...وكسبنا صداقة بعضنا.
وأنا معرفش بجد مدى ذكاء الست دي..ومع ذلك..مخفتش أنها تكشفني...معرفش ليه كنت أطمئن من ناحيتها.
وطبعا أكونت بابا(هههههههههههههههه*)...بدأ يخف الدردشة معاها..وهي سألتني عنه..
قلت لها هو مسافر للعلاج بره...وهي بحسن نية صدقت.
في يوم قلت لها :
************
هو مفيش حد مرة كده قالك بحبك في الفيس؟
ردت:
**********
لأ...ليه السؤال ده؟..وهو فيه حد يحب من الفيس برده.!!
قلت لها
********** وإيه المانع ياستي..والله بتحصل..وأوعي تقولي بيفشل.,,,أرجوكي.
هي
*********
ده جنان رسمي....ههههههههههههه..بس بجد هو بيحصل..أنا عارفة
بس بجد بيفشل..يعني إيه احب واحد مبشوفهوش...ومعرفهوش؟
خلي بالك أكتر الناس في الفيس..كدابين..وكلهم بيخبوا الحقيقة
وبيلبسوا أقنعة زائفة...بس بتكون جميلة وجذابة...لدرجة المتعة.
أنا
*********أنا أعرف شاب حب واحدة قد امه...وهيموت ويشوف صورتها..,يسمع صوتها
بس هيا مش من النوع السهل...مش داخلة الفيس للصحوبية..دي لها هدف.
تفتكري...ممكن يكون وراها غرض وحش؟!!
هي
******** مش شرط ..أن يكون كل اللي في الفيس غرضهم وحش..أنت نفسك قلت لها
هدف......يعني تعرفها كويس.
أنا
********....يا ستي مش أنا...هو يعرفها.
هي
******* أحس أنك أنت صاحب المشكلة دي..ههههههههههههه...بس يا بني فوق كده خطر
أنا
******** خطر على مين بقى.؟!!!...مفيش أخطار ولا حاجة....دي علاقة شريفة.على فكرة
هيا متعرفش...أنه بيحبها...بس هو يكفي أنه بيشعر بيها..وأول ما تفتح الفيس
قلبه يحس بيها..ويفتح في نفس اللحظة..ولو كتبت حاجة بيعلق عليها كأنها
كتبتها له هو......أكيد ده حب يا استاذة,,ولا إيه رأيك؟
هي
*******مش كل اللي قلته يدل على الحب...ممكن يكون..أعجاب...او سد فراغ.
وبعدين فارق السن كام بينهم؟
(( وهنا خفت أقول الحيقة..أحسن تكشفني..هي دلوقتي عرفت أني أنا صاحب المشكلة ومش بعيد تعرف أني بحبها هيا,,,وممكن تقطع علاقتي بيها...ودي تبقى كارثة بجد...فكرت في التخلص من الرهبة والخوف واخترت اجابات تتمشى مع موقفي بس ما تكشفنيش((
أنا
*******هي أكبر منه ب 13 سنه..أو 15 ..حاجة زي كده.
هي
******** يا تهار!!!...معقولة دي؟!!!...ده الغلط بعينه.....قل لصاحبك يرجع عن الفكرة دي
بجد مش في صالحه ولا في صالحها....هي أكيد متجوزة؟ صح؟
أنا
********للأسف أه..وأم كمان......بس الحب مش عيب ولا حرام.
هي
******** لأ..لأ...أنت فاهم الدنيا غلط..العيب والحرام..دي أول خطوة بعد تعدي حقوق
الأخرين...الزم حدودك..تسلم...دي نصيحة ام لأبنها.
(( وهنا ومن غير ما أحس قلت لها كلام زعلها مني...وتأسفت كثير ..هي فهمته أني مرضاش بيها أم لي..بس الحقيقة أنا مش عايزها أم..أنا عايزها حبيتي وصحبتي كمان)))
أنا
********* لأ..امي؟..لأ أنت مش أمي.
هي
********أسفة يابني..أنا قصدت زي أمك.
أنا
********أنا أسف مش قصدي ..والله ابدا..أنا قصدت أنك صديقتي الحميمة يعني..أنتي
غالية والله ..أنتي متعرفيش أنتي بالنسبة لي إيه؟......أنتي حاجات كثيرة مش
مش عارف أوصفها لك..يارب تسامحيني...اقبلي اسفس الله يخليكي
هي
******** أبدا مفيش حاجة...أنا كمان والله أعزك....برضه زي أبني ...ومصممة بقة.ههههه
أنا يابني تقريبا مش بدردش مع حد قدك....كل ما أدخل تطلع ليا زي عفريت
العلبة.....هههههههههههه.
أنا
******** وده شيئ يزعلك؟.....فولي والله..وأنا هأخف عنك..بس مش هأوعدك..هم بس
شوية صغيرين...ههههههههههههه
هي
******** هههههههههه..مش بقولك انت ابني...يعني مش هأستغنى عنك أبدا.
أنا
******* طيب نخرج من الموضوع ده..قولي لي..عندك في صديقاتك..بنتين كأنهم توأم
كلامهم واحد...والمواضيع بتاعتهم متشابهة.....اسمهم هناء..ولمياء..تعرفيهم؟
هي
******* أه طبعا ومعرفة شخصية كمان.....هناء خريجة تجارة أنجليزي ....ولمياء أداب أنجليزي برضه
أنا
******* أه ..علشان كده بيحاولوا بتنافسوا في الأنجليزي.....بس على مين ؟..شفتي
تعليقي الأخير عليهم...عرفتهم أن فيه غيرهم برضه حريج مدارس لغات..ههههه
هي
******* أه..بس أنت مش بتعرف شعر زيهم...دول بنات تحفة بجد...وشكلهم واخدينها وراثة
أنا
*******...بس أنا أعرف الست اللي هي تاج على راسهم كلهم..أحسن شاعرة في الفيس
كله...طبعا أنتي يا ست الكل...ههههههههههه
هي
******* بتتباها بيا أنا؟...يا بني أنا اقل القليل .....شوف حد تاني تتباها بيه!!
أنا
*******طيب أنا مش هأرد عليك علشان ما نزعلش من بعض...طيب يا ستي
(( انتهى الحوار ده..وانقطعت عن الفيس أسبوعين..أنا أنشغلت في الشغل جامد..وكنت أدخل الفجر أشوف كتاباتها..ومش بعلق كمان..بختبر نفسي....وهي مكلفتش نفسها تبعت
رسالة تطمئن عليا بيها...وساعتها حسيت أني مش على البال أو الخاطر.....وزعلت شوية))
وبعدين دخلت وسألتها ..أنتي ليه مكنتيش بتسألي عليا ولو برسالة؟...وعرفت منها أنها حاسة بالذنب من ناحيتي..وعايزاني أنشغل ببنت الحلال...ونصحتني كم نصيحة كده...ومن يومها وأنا أحاول تنفيذهم...وكمان بعت لها رسالة من أكونت (( والدي))..هههههه...أشكرها لحسن معاملتها ابني(( اللي هو أنا))...وأني هأرجع قريب بعد ما أخلص علاجي برة......وهي فرحت بالرسالة دي لدرجة أنها بلغتني بها حرفيا.....وكان نفسي أقولها أنا الشخصيتين نفسهم....بس جبن مني بقه..خفت تقطع علاقتها بيا.....وبعدين لاقيت نفسي كشاب بقه أنجذب لهناء..وخاصة اسمها يناسب اسمي..(( هاني..,..هتاء)) موسيقى ...ههههههههه
وطلبت من هناء تقابلني وخاصة هي ساكنة في الأسكندرية معايا..وبيني وبينها محطتين ترام بس....هي رفضت..وأنا شاورت الست..سهام...وقالت باب البيت أوسع من شباكه...وفهمت قصدها...وسألت عن هناء دي..ولاقيتها ممتازة..وأمها ست كاملة...وأبوها متوفي من فترة و لها اخين أصغر منها.....ومن عائلة محترمة..يعني بجد..بنت عشرة على عشرة..وبدأت تسحبني من حب سهام..وساعتها عرفت أن حب سهام نوع تاني...بس أقدره جدا...ولكن هناء معرفتش تسحبني من ان اكون أبن الست سهام......ولاقيتها هي كمان تحبها وتموت فيها كمان.......وبعد فترة قصيرة خطبت واتجوزت هناء....وشفت حماتي لاقيتها ست روعة زي أمي بالضبط...ومثقفة..بس برده معرفتش تسحبني من الست سهام......طبعا سهام لها مذاق خاص....كنت لما أزعل مع هناء أشتكي لها......وكانت تنصحني..ومتقولش اهناء أي حاجة...ومرت سنة وربنا رزقني ببنت...قلت أسميها سهام.....مراتي وافقت..هي كمان تحب سهام..وسهام هي اللي جمعتنا سوا......لكن حماتي قالت لأ...سميها زينب على اسمي........وهنا كان أول أعتراض بيني وبين حماتي الست الكمل العاقلة الحنينة.....بجد أنا زعلتها في دي...وبنتها قالت..يا ماما خليه يختار الأسم اللي بيحبه...وبعد التانيه نسميها زينب ..ولا تزعلي......................ولما دخلت الفيس..سألت سهام وقلت لها تفتكري ده هياثر على علاقتي بحماتي لو أنا اصريت على تسمية البنت باسمك؟.......قالت ..اه سميها زينب..ده اسم جميل...احبه بجد...........وفعلا سمتها زينب..وسبحان الله طلعت شكل زينب الكبيرة.........وفي يوم دبت مشكلة بيني وبين هناء ...وشاورت سهام فيها وقالت..أترك البيت يومين..وهي هتهدأ...........هنا بدأت أشك ..هي ازاي عرفت أن ده طلب هناء؟!!!............هي هناء كانت بتحكي لها كل حاجة؟...وزعلت من هناء ورحت البيت أزعق فيها وأمها كانت موجودة........وقلت لها ازاي يا هانم تحكي أسرار بيتنا لست غريبة عننا...والفيس كمان يا هانم؟......................وهناء تحلف ليا أنه ما حصل..,قامت وأرسلت رسالة على الفيس قدام عيني للست سهام وتقول لها..هو أنا كلمت حضرتك في حاجة تخصني.؟...وليه تنصحي هاني بحاجات فعلا أنا طلبتها منه..كأنك تعرفيني أو تعيشي معايا في البيت؟!!!...............وحماتي استأذنت وقالت حلوا مشاكلكم مع بعض...وبلاش تظلموا الناس معاكم...وخرجت..................وبعد ساعة لاقينا رسالة من الست سهام...تقولنا فيها..انت كنت أنصحكم عادي..وأنا معرفش حاجة عن خصوصياتكم...المهم هناء طلعت بريئة...,دخلت الفيس وأنا في المكتب ولاقيت سهام فاتحة..دار بينا كلام.))
أنا
******* شوفتي أنت بتدخلي في أعماقي لدرجة بتحسي بكل حاجة تخصني...خلتينا
نشك فيك..والله كان عندك حق أنك خلتيني أسم البنت زينب....كان زمان مراتي
ولعت البيت في يوم زي ده.
هي
******* الحمد لله بس انت برضه مزودها شوية...يعني إيه لو عملت عيد ميلادها زي ما
كانت متعودة قبل الجواز في كافيتريا.!!!...ده حقها..هو انت أشتريتها ؟...خليها
براحتها علشان تحبك اكتر......وروح هات لها خاتم هدية ...يلا بلاش كسل
أنا
******* بس كده؟...ده حتى عيد ميلادها...وشه حلو عليا..جاتني علاوة..هأروح أشتريه هي
******** متنساش تحطه في علبة قطيفة كحلي.
(((وهنا وقفت شوية...هي ايه اللي عرفها أنها تحب الهداية في علب كحلي...وبعدين قلت لنفسي..هو كل شوية أعمل مشكلة ؟....بس فكرت في حاجة..جبت الخاتم في علبة حمرة....وخبيت علبة فاضية كحلي في جيبي.........وعرضت الهدية على هناء..فرحت بيها ولكنها علقت على لون العلبة...وحماتي قالت ليا,,,كنت هاتها كحلي..هو أنت مش بتسمع الكلام أبدا؟!!!...............فكرت شوية وفلت...والله في حاجة تربط المواضيع دي..وقررت أشغل راسي شوية...........هناء..عادية خالص وبريئة....السر في حماتي والست سهام...هما يعرفوا بعض ولا إيه؟........وفي يوم بحاور سهام..لاقيتهاتقولي سر خاص بهناء من غير ما تحس...وانا طنشت الكلام..علشان اعرف الحقيقة...,روحت البيت أزعق في هناء..وطلبت أمها بالتليفون....ولكن أنا قلت لحماتي خليكي عندك...انا اللي جاي ليكي...ورحت البيت عندها..,طبعا رحبت بيا..وعملت غداء لي ولها وقعدنا نأكل
وبعدين هي راحت تعمل شاي...وأنا بغسل إيدي مررت على أوضة نومها...ولاقيت الكمبيوتر شغال...ومن غير ما أحس...دخلت ولمسته بس...لاقيته كان شغال...والمفاجأة الكبيرة.....لاقيت بروفايل سهام..وصفحتها.......معقولة دي....؟؟؟!!!!!
سهام هي نفسها زينب حماتي.......؟!!!
...أنا في ذهول..إزاي ده يحصل؟!!!...ودخلت عليا حماتي ..وقالت يابني متفهنيش غلط...............وهناء متعرفش انا مين....أرجوك يابني......انا شايفها بس....مش سامع بقية كلامها......وبعدها بشوية معرفش أنا خرجت إزاي من البيت...........ومرجعتش بيتي لمدة اسبوع
ومعرفش حاجة عنهم..قعدت لوحدي في فندق..وأخذت أجازة من الشغل..,انا أفكر..إزاي أحب البنت وأمها...طيب أمها تتعامل معايا بشخصيتين ليه؟
إيه السر أنها مش بتقول لهم الحقيقة..؟!!!.طيب أوريها وشى ازاي...طيب أبص لها أنها حماتي..ولا سهام.....بجد تعبت لدرجة أني كنت أفقد الوعي...ورحت لدكتور نفساني...وأقنعني أن سهام دي وهم في الفيس...وبس..والناس اللي عايشين معايا هما الواقع.......وسهام فضلها عليا كبير..هي الصديقة..والحماة..وجدتك بنتي....وبجد كان نفسي أسمع الكلمتين دول من أي حد..علشان أرجع بيتي ,و انا آمن.
وجعت الشغل قبل البيت..وحاجة شدتني افتح الفيس..ولاقيت رسائل منها كثيرة تقولي أن ده سرها الوحيد..ومتعتها الوحيده تعملها في الفيس وهي الكتابة..وتترجى فيا أن ارجع بيتي..وأنها مستعده تهدم شخصيتها و كل شئ في سبيل اسعادي واسعاد بنتها....وأنها هتروح اليوم تعترف لبنتها هناء..وأمام الولدين كمان......لأنها ملت الحياة الجانبية دي وخاصة أنها ساهمت في هدم بيت بنتها.
وطبعا هذا لا يرضيني...ورجعت البيت لاقيت حماتي على وشك الأعتراف...دخلت بوست رأسها..وقلت لها أنت أحلى حماة في الدنيا والله..وهتاء من الفرحة مش فاهمة حاجة...وعيطتت حماتي......ومن يومها..أكلمها بصراحة عن حياتي متن غير فيس...وهي لم تنقطع عنه ...وأولادها ومنهم هناء لا يعرف إلى الأن من هي الشاعرة سهام..أو ما هي العلاقة بينها وبين الست زينب.
وبقينا احسن من الأول.......وسميت اسم البنت التانية سهام برده........بذمتكم حد بيحب حماته زي أنا؟!!!.........طبعا لأ
أنا بكتب القصة دي لأني حولت من القسم الرياضي للقسم الأدبي...وهأنشر قصتي دي.....علشان أنا عايز أشوف نظرة الناس الجديدة في معرفة الفيس بوك..للكبار وللصغار
//////((( هاني )))
*************************
******************************
salma....((( زرقاء اليمامة المصرية)))
ليست هناك تعليقات:
إرسال تعليق